David Alaba ka folur për Toni Kroos.
Mbrojtësi austriak, i transferuar te Real Madrid në këtë sezon, është ribashkuar me shokun e tij të vjetër të skuadrës te Bayern Munich, por ka mbetur i befasuar nga evoluimi që mesfushori ka patur për sa u takon stërvitjeve fizike.
“Mbaj mend se jam ulur në banjën turke në javën e parë te Real Madrid dhe Toni ka shkuar aty me topin e stërvitjes. Javën pasuese ka bërë ushtrime për muskujt e barkut përsëri aty. Atëherë e kam pyetur: ‘Më thuaj, Toni, çfarë nuk shkon me ty?’”, ka thënë Alaba në podcast-in e vëllezërve Kroos, Einfach mal Luppen.
“Një javë më vonë, jam kthyer në banjën turke dhe Toni ishte përsëri aty duke bërë stërvitje. Atëherë e kam pyetur përsëri: ‘Toni, çfarë të ka ndodhur në këto shtatë vitet e fundit?’”.
Por rrëfimi i Alaba-s nuk mbaron këtu “Javën e katërt, kam shkuar në sauna dhe kam parë Toni-n që bënte aty ushtrimet mbi një biçikletë. Mendoj se ky mentalitet është një nga arsyet e suksesit të tij në vitet e fundit”.
