Erling Haaland është transferuar para dy vitesh te Borussia Dortmund dhe nuk i është dashur shumë kohë për të bindur verdhezinjtë për vlerën e tij.
Sulmuesi norvegjez ka qenë një nga pikët më të forta të skuadrës në këtë dyvjeçar. Talenti i datëlindjes 2000 është edhe një nga lojtarët më të kërkuar në merkato dhe ofertat për t’ia hequr nga duart Borussia-s nuk mungojnë.
Për këtë arsye, drejtuesit e Dortmund kanë filluar të kërkojnë një zëvendësues, në rast se nuk do të arrijnë ta mbajnë Haaland.
Sipas Bild, emri i parë në listën e klubit gjerman është sulmuesi i Ajax, Sebastian Haller. Alternativa është Adeyemi, sulmuesi i Salzburg-ut edhe pse konkurrenca nuk mungon.
