Dusan Vlahovic, sulmuesi i Fiorentina-s, ka refuzuar të rinovojë kontratën që skadon në vitin 2023 pavarësisht ofertës së lartë të marrë nga klubi.
Ky vendim ka zemëruar tifozët e ekipit vjollcë, të cilët kanë dalë në krah të presidentit Commisso.
Lojtari akuzohet për mosmirënjohje, veçanërisht pas deklaratave të bëra gjatë grumbullimit të verës.
“Dusan, kur do të rinovosh?”, është pyetur disa herë. “Kur të më ofrojnë rinovimin, do të nënshkruaj”, ka qenë përgjigjja e tij.
Shumë prej tifozëve ndihen të tradhtuar dhe i kanë sugjeruar klubit një mënyrë për ta ndëshkuar sulmuesin: “Dërgojeni në tribunë deri në qershorin e 2023-shit”.
