Vllaznia-Tirana vjen në një moment kur skuadrat kanë një diferencë prej pesë pikësh nga njëra-tjetra, pikërisht me bardheblutë në krye dhe shkodranët në vendin e katërt.
Mirëpo, të shtunën në “Loro Boriçi” është mundësia më e mirë që Vllaznia të shkurtojë diferencën me kryesuesit. Interesimi për këtë ndeshje është shumë i madh dhe pritet që sot ose nesër klubi të nxjerrë biletat në shitje. Tifozët shkodranë shpresojnë që çmimet të ulen, por kjo mbetet për t’u parë.
Edhe në ndeshjen ndaj Dinamos, tifozët ishin të shumtë në numër në stadium, por disa prej tyre u ankuan se biletat ishin të kripura dhe nuk mund të përballonin rregullisht ndjekjen e skuadrës me çmime të tilla
