CEO i Interit, Bepe Marota është rikthyer të flasë gjatë për Interin, të ardhmen e tij, rinovimet e lojtarëve, shitjen e Lukakut si dhe largimin e Antonio Konte.
Marota është shprehur se nuk shqetësohet për shitjen e lojtarëve më të mirë, por e shqetëson blerja e lojtarëve më të mirë.
Presidenca: “Ne presim që Zhang të kthehet, mendoj se mund të vazhdojmë së bashku. Në të ardhmen do të kërkoj diçka jashtë klubeve, ndoshta një rol institucional në sport.
Rinovimet: ‘’Jemi pranë një zgjatjeje kontrate për Lautaron dhe Barelan. Për Brozoviç do të duhet pak më shumë kohë, por unë kam besim”.
Lukaku: “Sot nuk mund ta blejmë sërish Lukakun për 75 milionë euro, duhen investime të synuara dhe të përmbajtura. Shita Lukakun për për 115 milionë dhe e zëvendësova me Xhekon pa asnjë kosto: në fushë nuk ka boshllëk. Nga ana tjetër, belgu u largua nga Seria A për të fituar dyfishin, në Itali shifra të caktuara nuk mund të ekzistojnë”
Konte: “Ne nuk u grindëm. Është një temë delikate, ai duhet të jetë këtu për të diskutuar së bashku për këtë temë’’.
Bilanci ekonomik: ‘’Ne kemi dalë nga tuneli, ka stabilitet dhe qetësi . Zhang ka përsëritur vazhdimisht angazhimin e tij afatgjatë ndaj shoqërisë. Gjendja jonë është e barabartë me të tjerët. Ne po paguajmë rregullisht rrogat. Por, çka nëse vijnë oferta të shkëlqyera për lojtarët më të mirë? Vullneti i lojtarit është vendimtar. Në çdo rast, nuk jam i shqetësuar për shitjen, por për blerjen e mirë’’, përfundoi Marota.
