Vetëm një moment vendimtar në Inter-Juventus. Minuta e 87-të në vijën e zonës së rreptësisë zikaltër, ka një situatë të dyshimtë pasi Dumfris godet Aleks Sandron.
Në pamje të parë duket gjithçka normale, por ndërhyn VAR-i që i kërkon kryesorit Mariani të konsultojë pamjet. Nga to duket qartë se holandezi i Interit godet mbrojtësin juventin mbi vijën kufizuese të 16 metrave.
Rregullorja flet qartë: Vija është pjesë e zonës dhe për arbitrin është penallti e cila transformohet në gol nga Dibala. Ndërkohë, Simone Inzagi përjashtohet me karton të kuq pasi hodhi një jelek në fushë në shenjë proteste për penalltinë e dhënë.