Mbrëmja e djeshme rezervoi një superpërballje si ajo midis Belgjikës dhe Francës, ku në fund ishin “gjelat” që prenë një biletë për në finalen e Ligës së Kombeve ku do të përballen me Spanjën.
Në fushë kishte yje të shumtë, si Benzema, Pogba, De Bryjne, Lukaku, Hazard e Mbape. Por këta dy të fundit kanë tërhequr vëmendjen me një episod të ndodhur në fushën e lojës duke u bërë viral në rrjetet sociale.
Eden Hazard i përshpëriti diçka Mbapes i cili fillioi të qeshte me të madhe në fushën e lojës. Menjëherë filluan aludimet se çfarë i kishte thënë ylli i madrilenëve Mbapesë, por sipas “MARCA”, Hazard ka bërtitur me të madhe “Hala Madrid” për të nxitur një reagim të Mbape i cili ka filluar menjëherë të qeshë.
Pamjet janë bërë virale dhe kanë nxitur jo pak reagime. Kujtojmë se Mbape ishtë shumë pranë transferimit te Real Madrid këtë verë, por PSG-ja bllokoi gjithçka në momentin e fundit.
What did Hazard tell Mbappe? 😂 pic.twitter.com/5RUU3Zlk0A
— E. Hazard Tweets (@EHazardTweets) October 7, 2021
