Endri Çekiçi ka qenë protagonist sot në fitoren e skuadrës së tij Koniaspor kundër Kaiserispor me rezultatin 2-0 në Superligën turke. Mesfushori 24-vjeçari luajti si zakonisht titullar dhe zhvilloi një paraqitje të mirë, ku që në minutën e 8-të dha një asist perfekt për Serdar Gyrler, për golin e 1-0.
Më pas në fundin e pjesës së parë ishte mesfushori Haxhiametoviç që dyfishoi rezultatin. Çekiçi u zëvendësua në minutën e 80-të. Me këtë fitore Koniaspori ngjitet në vendin e 5-të me 17 pikë, po aq pikë sa Beshiktashi. Gjithashtu, edhe futbollisti i Kosovës, Jetmir Topalli ka zhvilluar një ndeshje shumë të mrië, edhe pse ekipi i tij, Instabulspor humbi me rezultatin 3-2 ndaj Keçiorengyçy.
