Java e 10-të e Premier League ka dhuruar disa rezultate befasuese.
Liverpool ka barazuar 2-2 në shtëpi me Brighton pasi kishte kaluar në avantazh 2-0 në 24 minutat e para të takimit.
Manchester City është mundur 2-0 në shtëpi nga Crystal Palace. “Fajtori” ka qenë Laporte, i cili ka bërë një gafë në rastin e golit të parë të miqve dhe është ndëshkuar me karton të kuq në fundin e pjesës së parë.
Nga këto dy ndalesa ka përfituar Chelsea, që ka mposhtur 3-0 Newcastle në transfertë dhe tani kryeson i vetëm renditjen me 25 pikë.
Protagonisti i ndeshjes së luajtur në St James Park ka qenë mbrojtësi Reece James, autor i dy golave. Tre gola në dy ndeshjet e fundit të kampionatit për 21-vjeçarin.