Pas skandalit të ndodhur ku iu ndalua hyrja në Serbi, boksierëve kosovarë ka reaguar dhe Komiteti Olimpik Kombëtar Shqiptar, teksa ka sqaruar nëpërmjet një komunikate në faqen e saj zyrtare në rrjetin social “Facebook” duke deklaruar se i bashkohet shqetësimit të Komitetit Olimpik të Kosovës ku për KOKSH kjo është një ngjarje e patolerueshme dhe e turpshme duken njollosur sportin dhe bie në kundërshtim me vlerat olimpike dhe parimet e olimpianizmit:
NJOFTIMI I KOKSH –
“Komiteti Olimpik Kombëtar Shqiptar bashkohet me shqetësimin e madh të Komitetit Olimpik të Kosovës dhe dënon ashpër skandalin e ndodhur sëfundmi ku ekipi kosovar i boksit nuk është lejuar të hyjë në Serbi për të marrë pjesë në Kampionatin Botëror të boksit, që po zhvillohet në Beograd, Serbi nga 24 tetor deri më 6 nëntor 2021.
Për KOKSH kjo ngjarje është një situatë e patolerueshme dhe e turpshme që njollos sportin dhe bie në kundërshtim me Vlerat Olimpike dhe Parimet e Olimpizmit.
Policia serbe nuk ka lejuar hyrjen e tyre në pikën kufitare,duke e kthyer mbrapsht delegacionin e përfaqësueses Kosovare në boks të përbërë nga tre boksierët, Patrit Behrami, Shpëtim e Bashkim Bajoku, trajneri Besim Brahimi dhe sekretari i përgjithshëm, Latif Demolli.
Drejtuesit e Komitetit Olimpik të Kosovës, janë në kontakt të vazhdueshëm me Komitetin Olimpik Ndërkombëtar dhe Federatën Botërore të Boksit në mënyrë që të gjendet një zgjidhje emergjente dhe ekipi i boksit të Kosovës të niset sërish drejt Beogradit për të garuar i barabartë me shtetet tjera pjesëmarrëse në botëror.
Shpresojmë që ndërkombëtarët të sigurojnë një zgjidhje sa më të shpejtë ndërsa duhet të merren masa që një situatë e tillë të mos ndodhë më.”
