Barazimi në minutat e fundit me Atalantën i ka lënë një shije të hidhur skuadrës së Lacios. E vetmja gjë pozitive nga kjo ndeshje ishte goli i sulmuesit Çiro Imobile.
Me golin e realizuar sot italiani ngjitet në podium si golashënuesi më i mirë i historisë së klubit, po aq gola sa Silvio Piola. 31 vjeçari arriti në kuotën e 159 golave, në 232 ndeshje të luajtura. Sulmuesi u transferua tek kryeqytetasit në 2016 nga Sevija për shifrën e 10 milionë eurove. Gjatë këtyre viteve ai u bë një prej sulmuesve më të mirë në kampionat.
Ai gjithashtu mban rekordin për më shumë gola të shënuar në një sezon në Seria A me 36 gola, po aq sa Higuain.
