– Lacio dhe Inter janë përballur 178 herë mes tyre në Serinë A dhe bilanci flet në favor të zikaltërve, që kanë fituar 73 herë ndaj 46 fitoreve laciale, ndërsa 59 ndeshje janë mbyllur në barazim.
– Nëse do të gjejnë rrugën e rrjetës, zikaltrit do të arrijnë të shënojnë golin e 250 kundër Lacios, ndërsa bardhekaltrit kanë pësuar më shumë gola vetëm nga Juventusi (275).
– Lacio nuk humbet prej 16 ndeshjesh në shtëpi në kampionat dhe vetëm në 2002 ka bërë më mirë, kur arrinte në 22 ndeshje pa humbje.
– Lacio ka fituar vetëm 2 nga 10 ndeshjet e fundit të Serisë A kundër Interit(2 barazime, 6 humbje). Që nga sezoni 2016-2017, zikaltrit janë skuadra me të cilën kryeqytetasit kanë pasur më pak sukses.
– Pas një serie prej 4 fitoresh radhazi në shtëpi kundër Interit, kryeqytetasit kanë fituar vetëm 2 ndeshje nga 7 në total kundër milanezëve në Serinë A (1 barazim, 4 humbje)
– Lacio ka humbur ndeshjen e kaluar kundër Bolonjës dhe nuk humbet dy ndeshje radhazi në kampionat që nga marsi i shkuar, kur edhe atëherë humbiste fillimisht me Bolonjën e më pas me Juventusin.
– Milinkoviç-Saviç e ka Interin viktimën e tij të preferuar në Serinë A. Serbi ka shënuar 4 gola ndaj zikaltërve më shumë se ndaj çdo skuadre. Nëse e gjen përsëri golin, do të jetë i 5-ti me fanellën e Lacios në të gjithë kompeticionet.
