Javier Tebas ka bërë një akuzë të ashpër ndaj Gianni Infantino-s.
Presidenti i La Liga-s ka folur për arsyet e vërteta që duket se po shtyjnë FIFA-n të kërkojë që Kupa e Botës të zhvillohet çdo dy vite dhe jo një herë në katër vite.
“Infantino-s i duheshin 2.4 miliardë euro për Botërorin e Klubeve. Nuk i ka gjetur në treg, duke parë se maksimumi që mori ka qenë 700 milionë euro”, ka thënë Tebas.
“Kjo është arsyeja pse sot, për të financuar këtë projekt, ka dalë ideja e një Botërori çdo dy vite. Dhe do të shpikë edhe një Botëror për klube në janar çdo dy vite”, ka vazhduar numri një i La Liga-s.
“Ky është realiteti: do të shesë gjithçka bashkë për 25 vite. FIFA mund të thotë se do të ketë një Botëror çdo javë, por ju siguroj se kampionatet nuk do ta lejojnë”.
