Jordi Roura, trajneri i dytë në kohën e Tito Vilanovës në Barcelonë, ka konfirmuar në programin “Sin Concesiones” se Tito zhvilloi një takim me Messin 6 ditë para vdekjes së tij.
Ish-tekniku i Barcelonës në atë takim e bindi Lionel Messin që të qëndronte në “Camp Nou”.
“Është e vërtetë që Leo nuk ishte i sigurt nëse do të vazhdonte me fanellën e Barçës, është e vërtetë që ky takim ka ndodhur, nuk isha atje, por ata flisnin për shumë orë. E di që Messi ndryshoi qëndrimin e tij dhe për fat të mirë ai rinovoi me Barcelonën”, rrëfen ai.
Roura kujton figurën e Titos në përvjetorin e pestë të vdekjes së tij.
“Ka shumë për tu thënë për të. Ai ishte një person i thjeshtë, i drejtpërdrejtë, me shumë personalitet, i cili ballafaqohej ballë për ballë dhe ishte profesional – dhe kjo e bëri atë të veçantë”