Nga skuadra e titullit në sezonin 2019-2020 te Tirana kanë mbijetuar vetëm dy titullarë. Bëhet fjalë për Majkëll Ngonë dhe Erjon Hoxhallarin, të vetmit në fitoren e fundit 5-1 ndaj Partizanit.
Në stol qëndrojnë edhe Muça e Lika, por nga titullarët sulmuesi dhe kapiteni kanë qenë në fushë. Nga Doka deri te Torasa, asnjë prej lojtarëve nuk është më në qarkullim te bardheblutë. Muçi e Çelhaka janë në Poloni, Doka e Batha në Kroaci e Rumani, Kobina në Egjipt, ndërsa Torasa, Kale e Vangjeli luajnë në Kosovë.
Për statistikë, fitoja e fundit e Tiranës është ajo e 28 shkurtit 2020 me rezultatin 5-1. Golat u shënuan nga Uilliam Kordeiro për të kuqtë, ndërsa për Tiranën, Batha dy herë me penallti, Muçi po dy herë dhe Idrizaj me autogol.
