Pas kartonit të kuq të marrë në humbjen 1-2 ndaj Spanjës mbrëmjen e djeshme në stadiumin “Giuseppe Meazza” të vlefshme për gjysmëfinalen e Ligës A të Ligës së Kombeve, ka reaguar Leonardo Bonuçi i cili ka lënë grumbullimin e Italisë për t’iu bashkuar Masimiliano Alegrit tek Juventusi duke kërkuar ndjesë publike:
“Jam më shumë i nxehur se ju. Më vjen shumë keq dhe kërkoj ndjesë. Por kjo Itali do të ringrihet dhe do të jetë më e fortë se kurrë.”, ka shkruar Leonardo Bonuçi nëpërmjet një postimi në profilin e tij të rrjetit social “Instagram”.
Mbrojtësi i Juventusit humb kështu sfidën e vendit të tretë të Ligës A të Ligës së Kombeve mes humbëses së takimit Francë-Belgjikë e cila do të zhvillohet mbrëmjen e sotme në “Allianz Stadium” të Torinos
