Sikur të mos mjaftonte humbja turpëruese me Anglinë, kuqezinjtë në ndeshjen e sotme ku janë pritës me Andorrën do të përballen me një atmosferë të “akullt”.
Takimi do të luhet pa praninë e spektatorëve, pasi Shqipëria është dënuar nga FIFA për të luajtur sot me dyer të mbyllura, pasi do të vuajë sjelljen e tifozëve në ndeshjen me Poloninë.
Shpresohet që stadiumi bosh të mos ndikojë keq për kuqezinjtë, ku veç fitorja me Andorrën bën punë.
Në qoftë se do të ndodhte e kundërta, tifozët shqiptarë do të mbushnin tribunat siç kanë bërë gjithmonë edhe në momentet më të vështira të Kombëtares.
