Derbi milanez për Julian Alvarez.
Talenti i datëlindjes 2000 i River Plate po ndiqet nga disa klube të Serisë A mes të cilëve Juventus dhe Fiorentina. Por duket se Milan dhe Inter kryesojnë garën në këtë moment.
Zikaltrit, më saktësisht, duket se janë gati të dërgojnë emisarë në Argjentinë për të ndjekur ecurinë e lojtarit.
Sipas Il Giornale, Dario Baccin, zëvendësdrejtor sportiv i Inter-it, duket se do të udhëtojë drejt Argjentinës për të bërë një raport në lidhje me objektivin e merkatos.
