Frank Kesi mund t’i japë lamtumirën Milanit dhe të udhëtojë drejt Spanjës për t’iu bashkuar Real Madrid. Ky është lajmi i ditës së sotme në mediat spanjolle të cilat insistojnë se rinovimi i tij me Milanin tanimë është i pamundur dhe mesfushori është në kërkim të një aventure të re.
Edhe pse Milani i ka bërë një ofertë të kënaqshme ekonomike, futbollisti ka vendosur që të bashkohet me një skuadër e cila ka ambicie dhe mundësi reale që të ngjitet në majë të futbollit europian. Reali është një prej ndjekësve më të interesuar dhe i gatshëm të rrëmbejë futbollistin, i cili shihet si alternativa ideale për Kasemiron, për më tepër me kosto zero në verën e ardhshme.
Konkurrenca e madrilenëve quhet PSG. Klubi francez, pasi humbi Kamavinga, tani është gati të rrëmbejë Kesi, të cilin e tërheq edhe ky opsion. Ndryshe nga Reali, te PSG ai do të ketë përfitime më të mëdha financiare. Kjo është arsyeja kryesore pse menaxherët e futbollistit refuzuan 6,5 milionë euro në vit nga Milani, një shifër shumë e lartë për kushtet aktuale financiare të klubit kuqezi.
