Fabio Cannavaro, Topi i Artë 2006, ka folur në një intervistë të dhënë për Marca-n për fituesin e mundshëm të Topit të Artë 2021.
“Messi ka fituar Copa America duke luajtur shumë mirë, por Benzema është një kandidat, ashtu si Lewandowski”, ka thënë Cannavaro.
“Sinqerisht, nuk shikoj një favorit të qartë, por besoj se do të fitojë një nga këta të tre. Në 2020 do ta kishte fituar Lewandowski, por tani mund ta fitojë kushdo”.
Kujtojmë se mes kandidatëve është edhe mesfushori italian Jorginho, i cili jepet si një nga favoritët për shkak të sezonit të jashtëzakonshëm me Chelsea-n dhe Italinë.
