Real Madrid ka mposhtur 2-1 në shtëpi Rajo Vajekanon duke marrë kreun e La Liga-s pas 13 ndeshjeve në kampionat.
Për madrilenët mjaftuan golat e Toni Kros dhe Karim Benzema të shënuar në pjesën e parë, ndërsa Falkao i sapofutur ngushtoi shifrat por vetëm kaq. Në fushë ishte dhe mbrojtësi i Kombëtares, Ivan Balliu që nuk arriti të lërë shenjë në këtë takim.
Madrilenët marrin kështu kreun me 27 pikë, 2 më shumë se ndjekësja më e afërt Real Sociedad që ka 25 pikë.
