Igor Tudor, trajneri i Veronës, rezultoi pozitiv në testin për Covid-19. Trajneri kroat është future në izolim në shtëpi, siç saktësohet nga njoftimi zyrtar i klubit të Serie A, sot në mëngjes: “Hellas Verona FC njofton se mister Igor Tudor ka rezultuar pozitiv në një test specifik për COVID-19.
Trajneri kroat, i vaksinuar plotësisht, është mirë aktualisht dhe ndodhet në izolim shtëpiak. Klubi ka aktivizuar menjëherë të gjitha procedurat në përputhje me rregulloret në fuqi dhe është në kontakt të vazhdueshëm me autoritetet kompetente shëndetësore”.
