Lazio sot ka fituar 3-0 ndaj Salernitana dhe mes golave të shënuar duhet të pasqyrohen dy të dhëna. Ai i Luis Alberto-s ishte i 500-ti për futbollistët spanjollë në Serie A, ndërsa Immobile është futbollisti i parë në historinë e Lazios që shënon 10 gola e sipër në gjashtë sezone radhazi në Serie A!
Por, sot ka pasur edhe një rekord negativ në Itali. Parma e Gianluigi Buffon është mundur 4-0 nga Leçe dhe të gjitha golat janë shënuar në pjesën e parë.
Sipas statistikave, Buffon ka pësuar për të parën herë në karrierën e tij katër gola që në pjesën e parë. Parma luan në Serie B këtë sezon.
