Fabio Capello ka folur në lidhje me luftën për titull në Serinë A, që tani shikon Napoli-n dhe Milan-in para të gjithëve.
“Në verë kam qenë i qartë: nëse De Laurentiis nuk shet Koulibaly ose dikë nga lojtarët e mëdhenj, atëherë do të jetë një nga favoritet për të fituar titullin”, ka thënë Capello për Il Mattino.
“Tani është e lehtë të thuhet, duke parë si lëvizin axurrët në fushë, duke parë vazhdimësinë e rezultateve dhe personalitetin me të cilin luajnë, por skuadra ka qenë e fortë edhe me Gattuso-n”.
Për Milan-in: “Largimet e Donnarumma dhe Calhanoglu mund të kishin qenë një goditje e rëndë psikologjike. Por klubi kuqezi ka gjetur zëvendësuesit e duhur në merkato”.
Pas 11 javësh kampionat, Milan dhe Napoli kryesojnë renditjen me plot 7 pikë avantazh ndaj Inter-it të vendit të tretë.
