Pas shumë emrash të përfolur e shumë refuzimesh, më në fund Njukasëlli ka zgjedhur trajnerin e ardhshëm.
Edi Hau është emri i zgjedhur nga sheikët si i besuari i projektit shumëmilionësh që pronarët e rinj kanë ndërmend të investojnë. 43-vjeçari është pa punë prej dy sezonesh pasi kaloi 8 vite në krye të Bërnmuthit.
Edi Hau pritet të jetë zëvendësuesi i Stiv Brus ku objektivi i vetëm dhe kryesori është shmangia e rënies nga kategoria. Mungon vetëm zyrtarizimi, pasi palët kanë gjetur akordin për një marrëveshje 2 vjeçare.
I fundit që refuzoi ‘’qymyrxhinjtë’’ ishte Unai Emeri, një trajner me eksperiencë që ka shkruar historinë në Europë, por vendosi të vazhdonte aventurën e tij te Vijareali. Edi Hau pritet të zyrtarizohet ditën e sotme, dhe të jetë në pankinë në sfidën ndaj Brajtonit që do të luhet pasditen e nesërme.
