Borussia Dortmund nuk mban dot hapin e Bayern Munich.
Verdhezinjtë janë mundur 2-1 në shtëpinë e Leipzig dhe kanë shkuar katër pikë larg Bayern-it kryesues.
Sfida e javës së 11-të të Bundesliga-s është zhbllokuar në minutën e 29-të nga Nkunku.
Reagimi i miqve ka ardhur në minutën e 52-të me Reus, i cili ka shënuar golin e tij numër 102 për Borussia-n në kampionat, duke barazuar Stephane Chapuisat në renditjen e golashënuesve më të mirë të klubi në Bundesliga. Vetëm tre lojtarë të tjerë kanë shënuar më shumë për Dortmund në historinë e kampionatit gjerman.
Skuadra e Red Bull është kthyer në avantazh në minutën e 68-të me Poulsen. Një gol ky që i ka dhuruar tri pikët Leipzig dhe e ka ngjitur në vendin e pestë të renditjes.