Ylli i Real Madrid Cristiano Ronaldo ka pyetur për jetën në Kinë më shumë se një herë, sipas ish-trajnerit të Brazilit Felipe Scolari.
Ronaldo, 33 vjeç, vazhdon të luajë në nivelet e larta në Evropë, pasi ka shënuar 37 gola në 35 ndeshje në të gjitha kompeticionet në Madrid këtë sezon.
Lojtari i përfaqësueses portugeze ka një kontratë deri në 2021, me destinacionin e ardhshëm që pritet të jetë Kina ose Amerika.
“Cristiano Ronaldo më ka pyetur më shumë se një herë për jetën në Kinë. E përse të mos shkojë në Kinë një ditë?” shprehet ai për Esporte Interativo.
“I kam dhënë të gjitha instruksionet. Ronaldo ka një markë, një industri. Dhe Kina është vendi më i madh në botë.
“I kam thënë atë që i kam thënë të gjithëve që më kanë pyetur: atij që i vjen mundësia për të shkuar në Kinë, duhet të shkojë në Kinë.”
