Dëmtimi i Marash Kumbullës në sfidën ndaj Anglisë ka lënë hapësirë për shqetësim në Kombëtare pasi prezenca e tij në mbrojtje është thelbësore.
Por për dëmtimin e Kumbullës është shqetësuar dhe Roma pasi Murinjo kishte vendosur ta aktivizonte titullar në sfidën ndaj Xhenoas në fundjavë, për shkak se Mancini do të jetë i pezulluar.
Sipas ‘’Tutottmercatoweb’’, mbrojtësi i Kombëtares do të rikthehet ditën e sotme në Itali për t’iu nënshtruar testeve mjekësore më të specializuara, nga ku do të dali dhe shkalla e dëmtimit dhe koha e rekuperimit.
Shqipëria do të zbresë në fushë sërish ditën e nesërme për tu pëballur me Andorrën, ndërsa pritet që tekniku Edi Reja të bëjë rotacion në formacion pasi kuqezinjtë luajnë pa objektiv në këtë ndeshje.
