Xavi tashmë është emëruar trajneri i ri i Barcelonës, ndërsa prezantimi zyrtar është planifikuar për nesër.
Megjithatë, spanjolli i famshëm ka nisur nga puna dhe detyra e parë që ka marrë është të ngrejë vetëbesimin tek lojtarët e tij, raporton Marca.
Ka disa tregues që lojtarët janë të pakënaqur, por edhe se nuk kanë besim te vetja. Philippe Coutinho refuzoi ditën e djeshme të hynte në lojë në ndeshjen kundër Celtas, ndërsa disa lojtarë të tjerë kanë vendosur gjëra të tjera përpara futbollit.
Për këtë ka folur edhe Frenkie de Jong, i cili ka thënë se lojtarëve të Barcelonës u mungon karakteri në dhomat e zhveshjes dhe pikërisht për këtë, Xavi i duhet të punojë së bashku me ekipin e tij.
Kujtojmë, Xavi sjell me vete në Barcelonë një ekip prej shtatë ekspertësh. Bëhet fjalë për Oscar Hernandez, Sergio Alegre, Ivan Torres, Carlos Nogueira, David Prats, Toni Lobo dhe Sergio Garcia.
