Gareth Bale beson se thyerja e rekordit të golashënuesit më të mirë të Uellsit është një nga arritjet më të mëdha të karrierës së tij.
Tripleta e Bale në fitoren 6-0 të enjten ndaj Kinës i dha Ryan Giggs debutimin e ëndrrave. Gjithashtu 28-vjeçari i Real Madrid ka kaluar 28 golat e Ian Rush për vendin e tij teksa ka siguruar edhe topin e ndeshjes.
“Është e mrekullueshme,” shprehet Bale për BBC One Wales.
“Pikërisht edhe në ditëlindjen e vajzës sime. Është një rekord individual i madh por ekipi është gjithmonë gjëja më e rëndësishme.
“Është një arritje e madhe e cila mund të krahasohet me titujt si La Liga, Copa del Rey dhe Champions League. Nuk e kam ëndërruar kurrë kur isha fëmijë. Është një nga gjërat më të bukura që kam arritur në karrierën time.”
Uellsi do të ndeshet me fituesin e gjysmëfinales tjetër midis Republikës Çeke dhe Uruguait në finalen e së hënës
