Po afrohet ndeshja delikate mes Fiorentina-s dhe Juventus-it.
Toskanët po kalojnë një moment të mirë forme në kampionat dhe ëndërrojnë të ndalin bardhezinjtë. Mes lojtarëve që priten më shumë nga skuadra vjollcë është Lucas Torreira, i cili është rrëfyer për kanalet e klubit:
“Ndihem shumë mirë, sinqerisht. Po arrij formën që doja, që e kisha humbur pak në periudhën e fundit. Luaj më shumë, është e rëndësishme të kesh besimin e trajnerit dhe shokëve të ekipit”, ka thënë Torreira.
“Ndeshja me Spezia-n ka qenë spektakolare, vinim nga një humbje e pamerituar me Lazio-n pas një ndeshje të madhe. Duartrokitja e tifozëve ka qenë emocionuese, i falënderoj. Për momentin nuk kam një marrëdhënie të mirë me golin.
“Ndeshjen e fundit i kam shkuar afër. Megjithatë, gjëja më e rëndësishme është të ndihmoj skuadrën me rikuperimin e topave, ndoshta me një asist. Vazhdoj të punoj sepse e di që ky gol do të vijë”.
