Java e 10-të e ‘’Abissnet Superiore’’ rezervon një superpërballje si ajo midis Partizani dhe Teutës e cila do të luhet në stadiumin ‘’Elbasan Arena’’.
Në pamje të parë emrat e skuadrave premtojnë spektakël, por gjendja e tyre momentale nuk është më e mira dhe sfida pritet të luhet me mjaft delikatesë nga të dyja skuadrat.
Partizani do të jetë pritëse në këtë takim, dhe të kuqtë kanë bërë një njoftim sa i përket biletave për tifozët e klubit. Çmimet variojnë nga 300 lekë në 1000 lekë të reja, një thirrje për tifozët që të jenë sa më të shumtë në stadium, gjë që e tregon ulja e çmimit të biletave.
Të kuqtë nuk po kalojnë një moment të mirë, dhe një fitore ndaj Teutës do të ngrinte moralin në shtëpinë e klubit kryeqytetas.
Postimi i Partizanit
NJOFTIM PËR ÇMIMET E BILETAVE
FK PARTIZANI – KF TEUTA
E PREMTE 26 NËNTOR 
16:45
Ju njoftojmë se për këtë takim çmimet e biletave në Tribunat respektive të stadiumit “Elbasan Arena” do te jenë:
Biletat në Tribunat: A dhe B do të kushtojnë 1000 Lek (të reja)Biletat në Tribunat: C3, D, E, F dhe G3 do të kushtojnë 300 Lek (të reja)
Tribuna qëndrore: A3, A4, B3, B4, B5, dhe sektorët e tribunave C3, D, E dhe F do të jenë në dispozicion të tifozerisë së kuqe
Tribunat qëndrore: A1, A2, B1, B2 dhe tribuna G3 do të jenë sektorët e rezervuar për tifozerinë mike nga Durrësi
Biletat mund ti siguroni duke filluar nga sot pranë pikës së shitjes në stadiumin
“Selman Stërmasi” në Tiranë, ndërsa të premten biletat mund ti gjeni edhe në sportelin pranë stadiumit “Elbasan Arena” në Elbasan.