Edon Hasani rikthehet nga dëmtimi që kishte pësuar në gju dhe që e kishte mbajtur prej shumë kohësh larg fushave të blerta.
Për të festuar rikthimin e mesfushorit aktual të Kastriotit ka menduar sulmuesi i Tiranës Majkëll Ngo, ku së bashku fituan dhe titullin kampion te bardheblutë gjatë sezonit 2019/2020.
Ngo, me anë të një fotoje të publikuar në “Story”-n në profilin e tij të rrjetit social “Instagram” ka shkruar fjalë emocionuese për shkodranin 29-vjeçar:
“I lumtur që të shoh të kthehesh sërish në fushë pas një periudhe të gjatë. Zoti të dha forcën që të vazhdosh për të shkruar dhe shumë kujtime të tjera në këtë sport. Me shumë dashuri”, shkroi Ngo.
Edon Hasani përveç Tiranës dhe Kastriotit më parë ka veshur edhe fanellat e Vllaznisë, Liteksit, Ceahlualit, Kukësit, Polit dhe Sepahanit.
