Flitet prej muajsh tashmë për transferimin e Kylian Mbappe te Real Madrid.
Megjithatë, në orët e fundit po shtohen zërat sipas së cilëve sulmuesi nuk është i bindur për transferimin te Los Blancos për shkak të Carlo Ancelotti-t, trajneri aktual i madrilenëve.
Sipast Sportbible, që ka cituar El Nacional, sulmuesi i PSG ka dyshime për shkak të pakënaqësisë së tifozëve ndaj lojës së lojtarëve të Ancelotti-t.
Është pikërisht niveli i paraqitjeve që nuk bind Mbappe të pranojë transferimin në Madrid. Madje, francezi do të preferonte që Los Blancos të ndryshonte trajnerin.
Dëshira e Kylian është që të shikojë Jurgen Klopp në drejtim të madrilenëve. Një hipotezë kjo që duket shumë e vështirë të kthehet në realitet për momentin, për shkak të marrëdhënies së trajnerit gjerman me klubin e tij aktual, Liverpool-in.
