Çmimi special i “Globe Soccer” ka shkuar për Cristiano Ronaldon. Sulmuesi portugez i Manchester United nderohet për numrin e tij rekord të golave dhe në skenë për ta tërhequr çmimin u ngjit menaxheri i portugezit, Jorge Mendes. “Është e vështirë të shënosh kaq shumë gola, ai është i vetmi që mund ta bëjë këtë. Cristiano është futbollisti më i mirë ndonjëherë”, – tha agjenti i njohur.
“Faleminderit për këtë çmim, jam i lumtur dhe krenar, shpresoj të jem aty vitin e ardhshëm”, – u shpreh CR7 përmes një videomesazhi të transmetuar nga ekranet e “Globe Soccer” në Dubai.
