Transferimi rekord te City i ka sjellë etiketën “zotëria 100 milionë sterlina”.
Megjithatë, muajt e parë të Jack Grealish në Manchester nuk kanë qrnë shumë të lehtë:
“Deri tani kam bërë mirë, por kam akoma më shumë për të dhënë. Ka qenë shumë më e vështirë nga sa mendoja. Po mësoj akoma dhe po përshtatem: disa lojtarë kanë nevojë për më shumë kohë për t’u përshtatur, ndoshta më duhet edhe mua”, ka thënë anglezi për Sky Sports.
“Standardet këtu janë shumë të larta, brenda dhe jashtë fushës. Besoj se është kjo arsyeja pse kanë patur kaq shumë sukses në vitet e fundit. Kur kushton 100 milionë sterlina, atëherë njerëzit fillojnë të pyesin nëse vlen me të vërtetë kaq shumë kur kalon një moment të vështirë.
“E kuptoj, por duhet të marrë në konsideratë sakrificën e bërë nga klubi për mua dhe shpresoj t’ia shpërblej me gola dhe trofe”.
