Një ngjarje e pazakontë ka ndodhur në Holandë përpara sfidës midis Fejnordit dhe Ajaksit. Tifozët vendas filluan të gjuanin me fishekzjarrë autobusin e skuadrës kampione të Holandës dhe u bë e detyruar ndërhyrja e policisë.
Ajaks arriti të fitonte në derbin e Holandës në shifrat 0-2 kundër rivalëve të Fejnord. Por rezultati kaloi në plan të dytë pasi vëmendja kaloi te përplasjet mes tifozerisë vendase dhe policisë jashtë dyerve të stadiumit.
Kjo sfidë dihet për tensionin e dy tifozerive dhe përplasjet kanë qenë të shumta. Por kësaj radhe duket se situata ka dalë jashtë kontrollit, me tifozët e Fejnord që sulmuan autobusin ku udhëtonin futbollistët e Ajaks.
Policia ndërhyri me makinë uji që të mbante larg tifozët. Por sulmet e tifozëve filluan dhe kundrejt policisë duke u hedhur fishekzjarrë. Sipas mediave holandeze një numër i madh personash janë shoqëruar në rajonin e policisë.