Milan merr fitoren e dytë radhazi dhe njëkohësisht edhe kreun e renditjes në Serie A. Kuqezinjtë fituan 2-0 në “San Siro” ndaj Salernitanës. Dy fitore të pastra të Milanit, pa pësuar gol.
Milan hipotekoi tri pikët në 45 minutata e para. Kessie ka zhbllokuar ndeshjen pas 5 minutash dhe Saelemaekers ka dyfishuar në të 18-ën. Rezultati mund të kishte qenë më i thellë për Djallin po të mos kishte qenë për super pritjen e bërë nga Belec ndaj Krunic në minutën e 42-të.
Lajmi keq për kuqezinjtë ka qenë dëmtimi i radhës i pësuar nga Pellegri në minutën e 15-të. Sulmuesi 20-vjeçar u kthye të luante titullar në një ndeshje të Serisë A për herën e parë nga shtatori i 2017-ës, kur ishte te Genoa dhe ka luajtur titullar kundër Bologna-s.
Në pjesën e dytë Milan thjesht adriministroi avantazhin e dy golave, duke mos rrezikuar shumë. Ndoshta kjo edhe për harxhuar shumë energji, në kuadër të ndeshjes në Champions League kundër Liverpool, ku këkohet vetëm fitorja.
