Në dukje, në publik gjithçka duket e qetë, por brenda Realit situata e mesfushorit Isko është mjaft e nderë.
Mesfushori i “Los Blancos” është në një luftë të hapur me trajnerin Karlo Ançeloti dhe për momentin po e paguan shtrenjtë sjelljen e tij.
Që nga ndeshja kundër Granadës, ku ai nuk i’u bind urdhrit të teknikut italian për të dalë në nxehje, ai nuk ka marrë asnjë minutë. Mediat spanjolle flasin për një ndëshkim nga ana e Ançelotit, i cili në këtë rast ka gjetur dhe mbështetjen e klubit.
Për Iskon duken ditë të vështira, teksa janari mund të sjellë largimin e tij nga klubi “Merengues”.
