Dje është mbajtur Ceremonia e FSHF-së për vitin 2021. Për këtë event ka reaguar dhe futbollisti i Teutës, Lorenco Vila ku me anë të një postimi në “Story”-n e tij në rrjetin social “Instagram” ai nuk pajtohet me çmimet e ndara mbrëmjen e djeshme.
Sulmuesi anësor i durrsakëve ka postuar një foto të tre trofeve, Kampionat, Kupë dhe Superkupë duke ironizuar se me këto trofe ai duhej të ishte pjesë e këtyre çmimeve.
“Topi i Artë” i Superiores iu dorëzua ish-shokut të skuadrës, Dejvi Bregut ndërsa në formacionin e vitit ishin pjesë në total vetëm dy lojtarë nga Teuta, Bregu dhe Aleksi.
