Të gjithë kur kemi qenë të vegjël kemi luajtur lojën “Roza Rozina”, ku kapnim dorën e njëri tjetrit dhe kërcenim duke kënduar. Por kush do ta mendonte se një lojë e tillë do të ishte një strategji fantastike për gol?
Një rast i tillë ka ndodhur në Japoni me një ekip futbolli gjimnazi. Gjatë një goditjeje dënimi, skuadra e Takagaua Gauken, mashtroi kundërshtarët duke kërcyer në një rreth. Kjo bëri që ata të shënonin dhe të pranishmit ngelën të shtangur nga ajo që panë. Videoja e golit po bën namin nëpër rrjetet sociale.
