Interi nuk di të ndalë me rekordet, teksa pas fitores me goleadë ndaj Salernitanës në shtëpinë e këtyre të fundit me rezultatin 0-5, ka arritur një statistikë të veçantë në Serinë A italiane.
Sipas faqes së statistikave “OPTA Paolo”, skuadra zikaltër për herë të parë në historinë e saj ka shënuar 100 gola në një vit kalendarik, duke kaluar 99 golat e realizuar në vitin e largët 1950.
Ekipi i Simone Inzagit ka thyer rekordin 71-vjeçar, ku gjatë këtij sezoni Interi i ka mbyllur llogaritë e takimit në disa prej tyre me gola të shumtë të realizuar.
Handanoviç e ka ruajtur portën e paprekur prej 5 ndeshjesh në Serinë A, dhe humbja e fundit që zikaltërit kanë pësuar daton para dy muajsh ndaj Lacios në transfertë, ekzaktësisht më 16 tetor.
100 – Per la prima volta nella sua storia in Serie A l'Inter ha segnato 100 gol in un singolo anno solare, superato infatti il suo record precedente (99 reti nel 1950). Spettacolare.#SalernitanaInter pic.twitter.com/sHpCR5tiOp
— OptaPaolo 🏆 (@OptaPaolo) December 17, 2021
