Një gol në minutën e 89-të i ka mohuar fitoren Barcelona-s në fushën e Granada-s dhe vendin e tretë të përkohshëm në renditje.
Gjithçka ka ndodhur në pjesën e dytë.
Miqtë kanë kaluar në avantazh me një gol të De Jong në minutën e 57-të. Holandezi ka shënuar me një goditje të bukur me kokë pas asistit magjik të Dani Alves.
Ky i fundit është bërë lojtari më i vjetër që luan një ndeshje të La Liga-s me Barcelona-n.
Në minutën e 80-të, skuadra e Xavi-t ka mbetur me 10 lojtarë pas kartonit të dytë të verdhë të Gavi-t. Granada ka përfituar nga superioriteti numerik 9 minuta më mbrapa, duke barazuar me Puerta-s.
Ky rezultat i lë blaugranat në vendin e gjashtë të renditjes.
