Kupa e Anglisë ka dhuruar shumë gola dhe emocione.
Chelsea ka mundur 5-1 në shtëpi Chesterfield, ekip i kategorisë së pestë, dhe ka siguruar një vend në 1/16 e kompeticionit.
Është kualifikuar edhe Southampton-i i Armando Brojës, pas një fitore të pabesueshme 3-2 në kohën shtesë kundër Swansea-s, skuadër e Championship.
Shenjtorët kanë kaluar në avantazh me Redmond në minutën e 8-të, por kanë mbetur me 10 lojtarë në të 30-ën pas kartonit të kuq të marrë nga Valery.
Vendasit kanë arritur të barazojnë në të 77-ën dhe ndeshja ka shkuar me shtesë.
Një shtesë që ka filluar keq për shokët e Brojës, me këtë të fundit që nuk ka patur mundësi t’i ndihmojë pasi është zëvendësuar në minutën e 78-të.
Në fakt, një autogol i Bednarek ka kaluar në avantazh Swansea-n, por reagimi i miqve ka qenë i menjëhershëm. Elyounoussi ka barazuar takimin në të 96-ën dhe Long ka vulosur fitoren në minutën e 102-të.
Fitore e vuajtur edhe për Everton, që ka mposhtur gjithashtu 3-2 në shtesë Hull-in, tjetër ekip i Championship.
