Ronald Araujo është një nga notat pozitive të Barcelona-s së Xavi-t.
Mbrojtësi uruguaian është në rritje ndeshje pas ndeshje dhe po bëhet një shtyllë e vërtetë e blaugranave. Nota negative ka lidhje me kontratën në skadencë.
Sipas Marca-s, lojtari duket se ka refuzuar zgjatjen e kontratës që i është ofruar nga Barcelona.
Negociatat mes drejtuesve të klubit dhe përfaqësuesve të lojtarit janë zhvilluar javën e kaluar.
Uruguaiani do të donte të qëndronte te Barça, por shpreson një kontratë në lartësinë e nivelit të lojës së tij. Bisedat janë zhvilluar në mënyrë miqësore dhe negociatat mund të jenë shtyrë për në ditët e ardhshme.
Pavarësisht nga kjo, Chelsea dhe Manchester United po e monitorojnë situatën e Araujo. Vlera e lojtarit është rreth 35-40 milionë euro.
