Zyrtarizimi i Bledar Devollti si një nga asistentët e Bledi Shkëmbit te Dinamo për pjesën e mbetur të sezonit, nuk ka kënaqur shumë klubin e Tiranës. Devolli ishte trajneri i ekipit U-19 te bardheblutë dhe me sa duket, ka lënë projektin në mes pa mirëkuptim mes palëve, për të ndjekur këtë aventurë të re te rivalët kryeqytetas.
Burime të “Panorama Sport” pranë klubit bardheblu bëjnë të ditur se Tirana nuk do të qëndrojë duarkryq në këtë mes. Ajo ka hedhur hapat e parë, teksa ka çuar çështjen e Devollit në Dhomën e Zgjidhjes së Konflikteve në FSHF, me arsyetimin e prishjes së njëanshme të kontratës së nënshkruar mes palëve.
Nëse ajo i jep të drejtë Tiranës, Devolli duhet të paguajë dëmshpërblim nëse do të vazhdojë të jetë pjesë e Dinamos, ose të kthehet të vazhdojë punën e lënë në mes në mënyrë të papritur te klubi bardheblu.
