Futboll Sport

E PAPRITUR/ Mesfushori Duvuna largohet nga Skënderbeu dhe firmos për Miami FC në SHBA

Skënderbeu po mendon përforcimet në merkato për vijimin e sezonit, por nga radhët e skuadrës korçare ka edhe largime, një e tillë e papritur është edhe ajo e ganezit Denis Duvuna, i cili është larguar drejt SHBA.

Duvuna, i cili nuk kishte qenë një titullar fiks në këtë edicion nën drejtimin e Memellit, ka udhëtuar drejt SHBA ku ka firmosur me një skuadër të njohur në USL, kategorinë e dytë atje, Majemi FC. Klubi është mjaft i njohur për faktin se në fillimet e tij u krijua me drejtues Paolo Maldinin dhe në të kaluarën ka pasur trajner Alesandro Nestën. Ndërsa aktualisht, Luka Antoneli, ish-futbollisti i Milanit, është pjesë e kësaj skuadre.

Nuk dihet ende se sa ka përfituar Skënderbeu nga transferimi i mesfushorit ganez, por largimi i tij krijon një tjetër hapësirë për t’u mbushur nga klubi korçar gjatë merkatos së janarit. Duvuna luajti 31 ndeshje në sezonin e kaluar me Skënderbeun ndërsa në këtë aktual, ka zbritur në fushë në vetëm 7 të tilla në pjesën e parë të sezonit.

Related posts

Gian Piero Gasperini: Atalanta duhet të rikthehet tek fitorja

Sadik.Autor

LIVE/ Champions League: Mbyllet ndeshja Atalanta-Manchester United. Rezultati 2-2

Delo.autor

SHPËTON INTERI/ REALI gjen FAJTORIN e vërtetë për çështjen “MODRIC”

Isa.Autor

Leave a Comment