Juventus-Napoli me frymë të ngulur. Në pritje të rezultateve të fundit të tamponeve të kryera nga lojtarët azzurrit, ndeshja është caktuar për në orën 20:45 të mbrëmjes së sotme. Me tre raste brenda formacionit pritës, ato që kanë të bëjnë me Zielinski, Rrahmani dhe Lobotka.
Sipas ASL Napoli 2, tre lojtarët, pasi nuk kanë marrë ende dozën e tretë, duhet të qëndrojnë në karantinë dhe për këtë arsye nuk mund të luajnë.
Por, Napoli synon t’i fusë kundër bardhezinjve: klubi beson se, sipas rregullave, ata mund të luajnë.
Te shohim se si do te vendoset deri ne fund…
Por ka pasur deklarata të reja nga ASL Napoli 2, veçanërisht nga drejtori i saj Antonio D’Amore, të ardhura këtë herë nga Radio Punto Nuovo: “Zielinski, Lobotka dhe Rrahmani duhet të trajtohen si punëtorët e tjerë. Nëse do të luanin do t’i nënshtroheshin masave administrative. Djokovic u ndalua nga autoritetet, edhe në Itali mbizotërojnë ligjet shtetërore”.
Tre lojtarëve, kujtojmë, iu bashkua një masë karantine nga autoriteti shëndetësor vendas, i cili mbërriti teksa ata ishin nisur për në Torino. Nuk është e qartë nëse Napoli, i cili është në pritje të rezultatit të tamponëve të rinj, do të luajë me Juventusin sonte dhe nëse do të mund të llogarisë në të tre.
