Fiorentina, e papërmbajtshme në merkato.
Pasi ka marrë Ikone dhe Piatek, presidenti Commisso ka në mendje një tjetër emër të madh. Emri është ai i Francisco Roman Alarcon Suarez, i njohur nga të gjithë si Isco.
Fantazisti i Real Madrid, kontrata e të cilit skadon në qershor, nuk bën pjesë në planet e Carlo Ancelotti-t.
Klubi vjollcë ka nisur kontaktet prej disa javësh me përfaqësuesit e lojtarit për të bindur që të transferohet në Serinë A.
Do të bëhej fjalë për një përforcim të nivelit të lartë me objektivin e qartë për t’u kualifikuar në kompeticionet europiane sezonin e ardhshëm.
