Nga trajner klubi në trajner kombëtareje.
E ardhmja e Pep Guardiola mund të jetë në drejtim të një kombëtareje, një dëshirë që trajneri i Manchester City nuk e ka mohuar kurrë.
Një ëndërr që dukej e largët, por që mund të jetë më afër nga sa mendihej.
Në Angli kanë filluar zërat në lidhje me të ardhmen e trajnerit spanjoll.
Sipas The Sun, Guardiola mund të bëhet trajneri i Holandës pas 18 muajsh, ose më saktë kur të ketë përfunduar kontrata e tij me Manchester.
Vëllai i tij Pere duket se ka nisur të punojë me agjencinë holandeze SEG dhe kjo mund të jetë, në të ardhmen, një “ndihmë” që Pep të bëhet trajner i Tulipanëve.
Në fakt, pas Botërorit në Katar, mandati i Louis van Gaal duhet të përfundojë dhe kjo do të linte hapësirë për një trajner të ri.
Të shohim se çfarë do të ndodhë. E sigurt është se Guardiola trajner i një kombëtareje nuk është më një gjë edhe aq e pamundur…
